أصابع ناجتس الدجاج المقرمشة... خفيفة و لذيذة خصوصاً للأطفال

جبت لكم معاي طريقة لأصابع ناجت الدجاج أخذت طريقتها من Racheal Ray...لأني دايماً أحتار في الأكل مع ولدي الله يصلحه، قلت أدور له شي يحبه و يكون مغذي في نفس الوقت...

هذي الطريقة جداً سهلة و أحلى شي إنها صحية، نشويها بالفرن و بدون زيت و قلي

نبدأ بسم الله...

في بادية كبيرة نخلط:

6 قطع صدور دجاج مفرومة فرم ناعم
بصلة صغيرة مفرومة فرم ناعم
فصين ثوم مهروسين
نص كوب جبن تشيدر مبشور
بيضة
ملح - فلفل أسود
و عشان نبدأ الشغل بنحتاج 3 صحون عميقة...
واحد نخلط فيه بيضة مع شوية حليب...
و الثاني نحط فيه طحين...
و الثالث نخلط فيه هذي المقادير (بقسماط - ملعقة صغيرة سمسم - رشة بابريكا - ملح - فلفل أسود - ملعقة كبيرة جبن بارميزان مبشور - رشة أوريغانو - و للي يحب الحار ممكن يزيد فلفل أحمر بودرة)

و نجيب صينية فرن و نحط فوقها شبك الشوي و ندهنه بالزيت...

الحين نجي للتشكيل و التجميع...(اسمحولي ما صورت هالخطوة، يدي كانت مشغولة )

خلطة الدجاج بتكون طرية و تلزق باليد، بس ما عليه حاولوا قد ما تقدرون تشكلونها بشكل طولي، بعدين غمسوها بالطحين و بعده البيض، و في الأخير غطوها تماماً بخلطة البقسماط... و ممكن تستبدلون خلطة البقسماط بالكورن فليكس المجروش...

>>> هذا تعديل جديد عالموضوع
أو بطريقة ثانية، جيبوا صينية فرن مستطيلة و مقاسها يكون متوسط، افرشو فيها ورق زبدة، و جيبوا مقدار خلطة الدجاج و رصوها في الصينية...
حطوا فوقها طبقة ثانية من ورق الزبدة و ساووا السطح بيدكم... دخلو الصينية الفريزر لين يتماسك الدجاج، بعدين طلعوها و قطعوها مربعات أو مستطيلات أو حتى أشكال حيوانات أو نجوم أو قلوب باستخدام القطاعات... و كملوا الطريقة بالتغميس...
إذا الدجاج متجمد كثير و صعب تقطيعه، اتركوا الصينية كم دقيقة و بعدين حاولوا تقطعونها مرة ثانية

نصف أصابع الدجاج على الشبك المدهون و نرشها بالزيت رشه خفيفة...
ندخلها الفرن على حرارة 350 فهرنهايت لمدة 35 دقيقة...

يشهي ميرسي يا ميرو الحلوه

شكرا شكرا سمسمة

» أصابع الدجاج المقرمشة
» أجنحة الدجاج المقرمشة
» أصابع الدجاج (لذيذ)
» أصابع كفتة الدجاج
» صينية البطاطس المقرمشة